jueves, 24 de abril de 2014

Análise Final de Temporada


Sen opcións ligueiras a falta de dúas xornadas (os nósos xa non poden alcanzar a 3ª praza e necesitan só un punto para asegurar matemáticamente o 4º posto), o entorno Dcmista ten a vista posta no próximo campionato copeiro que se desputará dende o 10 de maio.

Na “Rolda Previa” o DCM enfrontarase a “WebsGalicia.es”; equipo que nestes intres ocupa a 5ª posición da 3ªDivisiónA con números similares aos dos rosiñas pero nunha división inferior. Non será un encontro sinxelo, pero o DCM partirá como favorito no choque e está obrigado a gañar. Deberá esquecer o estilo despreocupado co que ven xogando os últimos encontros de liga (xa que no torneo do KO hai moito en xogo en poucos minutos e un só erro pode deixarte fóra) e recuperar o seu estricto sistema táctico que tan bos resultados defensivos acostuma a dar, para vencer os encontros dende unha sólida defensa.

En caso de vencer este primeiro enfrontamento, o DCM veríase as caras, dúas semanas despois (o bado 24 de maio) nos 32avos de final contra o “Arenal Beer Station” (equipo que librou por sorteo a fase previa); é actualmente o 10º clasificado da 3ªDivisiónB con tan só 5 victorias en 22 encontros, pero cuns bos rexistros defensivos (62 goles encaixados, números similares aos de equipos máis punteiros). Semella polo tanto un rival de nivel inferior ao WebsGalicia.es, pero difícil de bater, polo que agardaríase un encontro con resultado curto, o que implica que calqueira gol (tanto anotado, como encaixado) podería ter unha importancia vital; a máxima concentración será a clave do choque.

De superar esta segunda rolda, a competición levaríanos a desputar os 16avos de final tan só un día despois, o domingo 25 de maio, contra o vencedor de Explanada (11º clasificado da nosa 2ªA) Vs. Caf.Mus (3º clasificado de 3ªA). Estaríamos a falar xa de rivais de nivel similar aos Dcmistas.

O vencedor do choque, desputaría os oitavos de final o bado 31 de maio, previsiblemente e salvo sorpresa, ante un totalmente renovado “Peluquería Vanesma” (que nada ten que ver co equipo que compartíu división co DCM ano atrás), e do que os expertos din que é o mellor equipo de tódalas divisións da VigoEnXogo2014 e gran favorito para este torneo. É o líder de 3ªA, con 24 vitorias en 24 partidos, e cuns números que asustan: 204 goles a favor e 26 en contra. Para iso, o Vanesma tería que derrotar a un duro rival na anterior rolda, o Danais FS (4º clasificado da 1ªDivisión)

Os cuartos de final desputaríanse o día seguinte, domingo 01 de xuño, quedando a semifinal e a final para o fin de semana do 07 e 08 de xuño.


Por tanto, os derradeiros dous encontros ligueiros deberán servir de preparación do DCM para afrontar este difícil pero atractivo torneo. Este fin de semana o equipo recibirá ao segundo clasificado da categoría BarLuadaII, que atópase a tan só un punto do líder da división, polo que se xoga as súas opcións de título.
E o próximo fin de semana o equipo pechará o ano ligueiro contra o colista da división, BarSecundino.
Ademáis, os nósos, non deben esquecer que todavía permanecen de cheo na loita por ser campións da deportividade da súa división (a nivel global as opcións son algo máis remotas), polo que non deben cometer erros infantís nestes dous últimos encontros.

LINO

martes, 11 de marzo de 2014

O DCM non pode co líder e coas baixas PanTravDeVigo 6-1 DCM

O equipo rosiña non puido co Panadería Travesía de Vigo nesta 20º xornada.
Os nósos, chegaron con tan só 5 xogadores ao encontro (Jorge, Vare, Xmon, Pani e Emi), incorporándose Davo antes do descanso do mesmo. O equipo plantexou o encontro en base a esa escaseza de efectivos, baixando a liña de presión a campo propio e deixando a posesión en mans dos líderes da categoría.
Así, os locais dominaban o esférico pero apenas creaban ocasións de perigo. O DCM buscaba saír á contra.
O 1-0 chegaría nun dos puntos febles do sistema defensivo Dcmista, cun balón ás costas dos defensores, que o atacante rival controlaba e enviaba ao fondo das redes. Despiste defensivo que semellaba deixar o encontro en bandexa para os panadeiros.
Pero o DCM non se precipitou, seguíu agardando a súa oportunidade, e ésta chegaría nun roubo de balón en campo propio de Vare que lanzaba o contragolpe e anotaba cun disparo dende fóra da área. 1-1.
O Travesía de Vigo semellaba dormido, e os nósos gozaron dunha fantástica oportunidade de pórse por diante xusto antes do descanso pero o balón marchaba por riba do longueiro.

Tralo descanso, as forzas Dcmistas só duraron 5 minutos máis. Ata que o dianteiro rival, recibía, marchaba da súa marca cun gran movemento e batía a Jorge de tiro cruzado. 2-1.
Nese intre o DCM xa non soubo agardar máis e comezou a esquecer a súa idea de xogo en busca de tentar empatar o encontro. Isto abríu grandes ocos que o líder aproveitaría en 4 ocasións máis ata o 6-1 definitivo.

Na anterior xornada, (desculpámonos por non ter realizado crónica) os nósos vencían por 5 a 3 a Explanada FS con goles de Emi, Pani, Vare, Davo e Selu.

As fotos do encontro as podedes atopar no seguinte enlace: 

Un cordial saúdo.

domingo, 9 de marzo de 2014

Visita ó Lider Baixo Mínimos. Pan. Travesía de Vigo Vs DCM

Moi boas tardes queridos lectores.

Esta semana o DCM vai visitar en Candeán ó lider da categoría o Panadería Travesía de Vigo, e ó igual que no partido de ida contará con numerosísimas baixas para enfrontarse ós panadeiros.

O Panadería Travesía de Vigo chega ó encontro tras ver como se aprazaba o seu partido da semana pasada, que foi reprogramado para onte, e do cal non sabemos o resultado. Polo tanto o líder do grupo chegará ó partido tras afrontar un intenso encontro na tarde do sábado.

O Feito de xogar dous partidos na mesma fin de semana, poder ser un feito que suavice a circunstancia de que o DCM conte con tan só 6 efecitvos para este partido e que iguale un pouco a contenda. O equipo rosiña chega ó partido coa moral recuperada tras gañar os seus últimos partidos e ver como recurtáballe puntos ós equipos de arriba, en particular ó Bar Luada II que tras sufrir unha pequena crise de resultados xa so aventaxa ó DCM en 4 puntos. Polo tanto o equipo rosiña sabe que está ante unha das súas últimas oporunidades de optar ós dous primeiros postos.

Para este partido a convocatoria será a de Jorge baixo os paus, Vare Xmon para a parcela defensiva, Emi e Pani para as posicións máis adiantadas e Davo como comodín. Baixa causarán Selu por motivos persoais, Chap por lesión e Yago pola súa estadía en Manresa (ademais de Quique no Perú). Convocatoria xusta pero suficiente para afrontar o partido. Clave será saír coa máxima concentración ó encontro, sendo cada un consciente de que ten que facer un partido redondo e que existen moitas opcións de conseguir un resultado polo de pronto. Se ben é certo que o Travesía é un equipo potente, tamén é certo que gañou algúns partidos de maneira moi axustada ante equipos de abaixo. Polo tanto agardemos que co apoio dos seareiros no graderío e dos xogadores no campo, o equipo saía ó 100% e convencido das súas posibilidades e con fortaleza dende o principio.

Imos DCM.

O partido se disputará este domingo ás 19:00 horas no moderno pavillón de Candeán.

lunes, 24 de febrero de 2014

“Aceptable triunfo Dcmista” EndulcoSL 3-5 DCM


O DCM suma a segunda vitoria consecutiva e semella deixar atrás as malas sensacións que produciron as dúas derrotas deste tramo inicial da segunda volta do campionato.
O equipo afianza con catro puntos de vantaxe a terceira praza que recuperou a semana pasada tras dous traspés de Tap.Ouxo. Ademáis, o BarLuadaII, nunha profunda crise de resultados cede o liderado a Pan.TravesíaDeVigo; os nósos quedan a 7 e 8 puntos respectivamente dos primeiros clasificados.

O encontro desta 18ª xornada desputouse no pavillón de Bembrive baixo a arbitraxe de Arango. Os seareiros Dcmistas aproveitaron o bo horario (17:30horas do domingo) e encheron os graderíos firmando unha das mellores entradas da tempada.
Os nósos, saíron ben ao terreo de xogo e ao igual que no encontro de ida aproveitaron os espazos para trenzar boas xogadas e anotar tres goles antes do descanso. Serían obra de Emi tras loitar con ímpetu un balón en área rival e con asistencia de Xmon 0-1, de Davo tras boa acción personal 0-2 e Selu tras fermosa acción combinativa con parede entre Vare e Emi e asistencia do defensor dcmista para que anotase o outro compañeiro de zaga 0-3.
No ámbito defensivo, o equipo estivo correcto e a destacar unha gran parada de Jorge coa faciana xogándose o físico.
Tralo descanso o partido semellaba sentenciado, pois o rival, xusto de efectivos, acusaba o cansazo. Pero nunha acción fortuita con rexeite do gardamallas dcmista que petaba no brazo de Xmon, chegaría unha pena máxima que Endulco transformaba 1-3. E instantes despois, erro de concentración e segundo gol dos locais que soñaban coa remontada. 2-3.
Pero o DCM recuperou a calma e as sensacións e impúxose de novo en xogo e no marcador, con algo de fortuna, xa que anotou en dúas accións desafortunadas para o gardamallas e a defensa do Endulco. Ambos tantos correron a cargo de Emi.2-4 e 2-5.
Nos intres finais e co DCM xa relaxado os locais maquillaron o resultado co 3-5 definitivo.

Na vindeira semana o equipo enfrontarase a Explanada, un equipo que aínda que se atopa situado na metade da táboa, é o conxunto menos goleado da categoría, polo que será un difícil exame para os Dcmistas.
Ata entón reciban un cordial saúdo! 

Nos vindeiros días poderán disfrutar das fotografías do encontro no enlace que lles será facilitado a través do chat deste blog; desta vez, instantáneas que temos que agradecer a CarGil.

domingo, 9 de febrero de 2014

"Derrota vergoñenta" DCM 1-3 CampingCangas

O DCM cae ante o penúltimo clasificado sen atopar explicación aos seus males. Perde así comba cos tres primeiros clasificados e con dous novos cartóns amarelos supera os seus peores rexistros de deportividade (en canto a amonestacións desta cor se refire).

Esta 16ª xornada desputouse nun pavillón do Frontón con varios charcos por goteiras pero en mellores condicións das agardadas (semanas atrás o equipo desputara un amigábel nesta pista e o seu estado era impracticable). A arbitraxe correu a cargo de Méndez. 
Enfronte un CampingCangas escaso de efectivos que xa puxera difícil as cousas na primeira volta aos nósos. Daquela tamén foi nun pavillón de escasas dimensións (Balaídos1) e de novo esta vez, a reducida extensión desta pista, favoreceu moito a un equipo que soubo medir os tempos, empregar artimañas pouco vistosas pero efectivas para que o xogo non collese ritmo, aguantar o paso dos minutos sen demasiado cansazo e aproveitar os seus escasos achegamentos á área rival para levarse os 3 puntos.

O DCM xogou uns 15 primeiros minutos bos. Tivo ocasións, moveu ao rival, tirou a porta, sufríu pouco en defensa e nos escasos disparos Jorge respostaba con seguridade... pero só anotaría un gol; sería obra de Emi quen resolvía con eficacia un man a man tras pase de Vare. 
Mereceu unha vantaxe máis ampla nestes minutos o equipo rosiña, pero ao igual que toda a tempada, erra moito e iso pásalle factura.
Tras eses compases iniciais o partido trocaría totalmente nun contragolpe dos visitantes que se saldaba con falta na frontal da área por mans de Jorge na súa saída e cartóns amarelos para o propio cancerbeiro e para Selu por agarrar ao atacante rival en banda contraria. 
Esa acción sacou aos nósos do partido. Esquecéronse de todo o bo que estaban a facer e amosaron ao CampingCangas a maneira de trocar o signo do partido. Dende ese momento xa non houbo fluidez no xogo, en parte porque os dcmistas precipitáronse e esquecéronse de dar pausa ao xogo e en parte porque os visitantes atoparon nas continuas protestas ao colexiado a forma de coller aire en cada xogada. 
E de novo as pantasmas que perseguen aos rosiñas durante toda a tempada apareceron. Nun dos escasísimos achegamentos visitantes a campo dcmista, gol, 1-1 e descanso.

A pesares dese golpe, calquera nese intre houbese prognosticado que o DCM acabaría levándose o partido; xa que tiña máis ocasións, máis intensidade e máis intención de gañar, e agardábase que o cansazo do CampingCangas facilitase a vitoria.
Pero na segunda metade nada diso ocorreu. Maximizáronse os erros da primeira metade esquecéndose de xogar e centrándose o choque nas continuas protestas. Ata a tranquila afección Dcmista acabou nesta ocasión desesperada e anoxada co colexiado e co que estaba a ocorrer no campo.
E nesta situación, un novo latigazo dos visitantes dende liña de fondo sen ángulo e sen aparente intención, golpeaba na cabeza de Jorge e bicaba as maias; 1-2.
Quedaba tempo, pero en lugar do empate chegou unha nova contra rival, con grave erro na marcaxe defensiva que significou o 1-3 definitivo.

Tremendo golpe para un DCM que queda sen marxe de erro para o que queda de campionato.

lunes, 3 de febrero de 2014

“O DCM mantense na loita con sufrimento” Caf.Zaida 3-4 DCM



 
Nesta 2ª xornada da segunda volta, e tal como dicía Xaime na previa, os rosiñas non podían permitirse outro erro tralo inagardado tropezo da pasada xornada. E o equipo conseguíu ese obxectivo de non errar de novo, pero non sen sufrir ante un rival con máis potencial individual do que reflicte a súa situación clasificatoria.

O DCM aproveitou nos primeiros compases a falta de intensidade inicial do Zaida e cun entoadísimo Yago que quixo agradar no seu regreso conseguiría poñerse en vantaxe no marcador; o 0-1 tras recuperación do propio Yago aproveitando un erro na saída de balón dos locais e o 0-2 en xogada de “gilicorner” con potente disparo cruzado. Fantástico regreso do atacante Dcmista que agarda desputar 3 encontros máis antes de regresar a terras catalás.
O Caf.Zaida estaba moi tocado e o DCM dispuxo de infinidade de ocasións para ampliar a vantaxe (como poderase observar nas instantáneas da nosa fotógrafa); disparos lonxanos e boas combinacións que non atoparon porta. Pola contra, os xogadores Zaidistas, atoparían premio nunha das súas escasas aproximacións nesta primeira metade e nunha acción sen aparente perigo; 1-2 e o mal dcmista desta tempada que non cesa. Os nósos seguen a recibir moitos goles en xogadas moi illadas e sen perigo evidente.
Por fortuna preto do descanso, Emi tiraría unha fermosa parede cun Pani nun gran estado de forma que facíase forte ante o seu marcador para devolverlle un fantástico balón a Emi quen anotaba pola escadra 1-3.

Tralo descanso, e ao igual que ocorrera na primeira volta, o Caf.Zaida lograría empatar o encontro. Impulsados pola motivación do seu cancerbeiro chegarían con máis claridade a campo dcmista e defenderían con maior criterio táctico e máis actitude. Aínda así, o DCM non defendeu mal, e as ocasións dos locais foron moi contadas, pero de novo o 2-3 chegou en acción illada, xogada individual dun atacante local que sacaba disparo con dous defensores diante e superaba a un desafortunado Jorge que chegou a tocar o balón. 2-3.
O 3-3 chegaría nun contragolpe no que os 4 xogadores de campo do Zaida saían veloces cara ao ataque creando unha superioridade de 4 para 2 sen que defensa nin gardamallas puidesen facer nada por evitar o tanto.
Pero sen que transcurrise moito tempo, Emi poría de novo en vantaxe ao DCM co 3-4, un gol que afundíu de novo aos locais, quenes xa non tiveron a mesma enerxía e os folgos suficientes para achegarse ao empate.


 Sufríu o DCM pero venceu, unha vitoria que adquire maior importancia tralo tropezo do Tapería Ouxo, 3º clasificado, ante o colista da división (que suma a súa primeira vitoria); con ese resultado o DCM adianta en 2 puntos a un Ouxo que ten un partido menos (polo aprazamento da pasada xornada). Asimesmo o líder perdeu o seu primeiro encontro en toda a tempada, a mans dun Panadería Travesía de Vigo que aférrase á 2ª posición e achégase ao liderado (quédanse a 6 e 2 puntos do DCM respectivamente, pero ambos cun partido menos)
Tamén perdeu o perseguidor dcmista, Caf.Danais, polo que os nósos abren de novo unha importante fenda co 5º clasificado.

domingo, 2 de febrero de 2014

Non máis Erros. Cafetería Zaida vs DCM

Boas tardes queridos lectores.

Esta tarde o DCM disputa un importante partido ante o Cafetería Zaida, un dos dous únicos equipos que na primeira volta conseguiu sacarlle un empate ó DCM. Naquel partido xogado no pavillón do Calvario, o equipo rosiña adiatábase no marcador por 2-0, pero en un par de minutos fatídicos preto do final deixábase empatar polo equipo visitante.

Actualmente o Cafetería Zaida sitúase na novna posición da táboa clasificatoria, con 4 partidos gañados, 4 empatados e 5 perdidos, polo que podemos ver que se trata dun equipo bastante equilibrado no seus números, incluso na golaveraxe onde conta con 36 goles a favor e 39 na contra, un balance de menos tres goles.

O DCM pola súa banda chega ó partido tras unha dolorosa derrota a pasada fin de semana ante o Cafetería Danais, que deixa ó equipo sen marxe de erro para manterse próximo ás posicións que dan dereito ó ascenso á primeira división. O equipo debe recuperar o seu mellor nivel esta fin de semana para seguir demostrando que é un dos equipos fortes deste grupo de Vigo En Xogo.

Para este partido o equipo recupera a Yago, que tamén estivo na primeira volta ante o Cafetería Zaida, e co cal o DCM conseguiu bos resultados cunha referencia ofensiva clásica. O resto da convocatoria á conforman Jorge, que deberá facer esquecer a súa mala actuación da semana pasada, Vare, Xmon e Selu para as posicións defensivas e Davo, Pani e Emi para as posicións ofensivas.

A hora (18:00)  e o terreo de xogo non podería ser mellor, xa que o partido xogaráse no pavillón de Candean, un campo cunhas condicións diametralmente opostas ó lamentable estado das pistas do Estadio Municipal de Balaídos. Un campo moderno e cun terreo de xogo cómodo e que non causa lesións por si só, como poden ser A Mina, Balaidos, Fronton e Vermella, campos que non deberían estar a disposición de ningunha liga, ata que se solventen os seus problemas estruturais, que poden ser moi periogosos para os xogadores.


Se non recordan como acceder ó pavillón de Candean, aquí van as indicacións:

- Coller a Avenida do Aeroporto
- Avanzar nela ata chegar ó cruce de subida ó Vigozoo.
- Seguir as indicacións do zoo ata que chegue o cruce dos campos deportivos (Veranse os campos despois do cruce a esquerda) nese cruce seguir recto, ata que uns metros máis adiante verase a asociación de veciños detrás da cal se atopa o pavillón de Candeán.
(máis abaixo indicacións gráficas)

 - XaimeRuta dende a Avda do Aeroporto

- Cruce na Avda do Aeroporto (coller a subida á esquerda)

 - Cruce cos campos deportivos do Celta (seguir recto)

  - Chegada a Asociacións de Veciños de Candeán (O Pavillón está detrás)

- Fachada e Interiores do Pavillón

Fotos Cortería de Faro de Vigo, Google e Estudios Naos Arquitectura